ኣሃዱ ቤት ጽሕፈት ንጥፋታት ደገፍ ብቋንቋ

በዞም ዝስዕቡ ቋንቋታት ደገፍ ክንህበኩም ንኽእል

• ትግርኛ
• ዓረብ
• ዳሪ
• ሶማል
• ኡክረይን

ካብዞም ኣብ ላዕሊ ተጠቒሶም ዘለዉ ቋንቋታት ካልእ ቋንቋ ትዝረቡ እንተኰይንኩም ኣስትምህሮና ብቅልል ዝበለ ቋንቋ ሽወደን ክንህበኩም ንኽእል ኢና።

ልምምድ/praktik ብደገፍ ቋንቋ ንመን ይመልከቶ፧

ብመንገዲ ምምሕዳር ከተማ ስቶክሆልም፣ ልምምድ/praktik ደገፍ ቋንቋኹም ክትገብሩ እንተኰንኩም ኣብ ምምሕዳር ከተማ ስቶክሆልም ዝተመዝገብኩም ክትኰኑ ኣለኩም።

ናብ ልምምድ/praktik ቅድሚ ምኻድኩም ኣብ ኣስትምህሮ ክትሳተፉ ኣለኩም

ናብ ልምምድ ወይ praktik ቅድሚ ምኻድኩም ኣብ ኣስትምህሮ ክትሳተፉ ኣለኩም። እዚ ኣስትምህሮ ን 5 ሰሙናት ዝካይድ ኰይኑ ንፍርቂ መዓልታት እዩ። እዚ ኣስትምህሮ ብሓደ ቋንቋኹም ዝዛረብ መምህር ወይ ኣስልጣኒ እዩ ዝካይድ። ኣብ እዋን ልምምድ/praktik ደገፍ ኣስልጣኒ ክህልወኩም እዩ።

እቲ ኣስትምህሮ ነዞም ዝስዕቡ የጠቓልል

• ናይ ስራሕ ዕዳጋ ሓበሬታ ብቋንቋኹም/ቅልል ዝበለ ሽወደን
• ኣብ ሕሉፍ ተመኩረኹምን ተገዳስነትኩምን ሽቶኹምን ዝሰረተ ምዝማድ ልምምድ ወይ praktik።
• ድሕሪ ልምምድ/praktik ምስክር-ወረቐትን መወክስን
• መባእታዊ ድጂታላዊ/ከምፕዩተር ኣፍልጦ
• ዝርርብ ብቋንቋ ሽወደን
• ደገፍ ኣብ ናይ ልምምድ/praktik ቦታ
• ናይ ትምህርትን ሞያን ምኽራዊ መርሓ
• ናይ ገዛእ ርእስኹም ትካል ክትምስረቱ እንተደሊኹም ምኽርን መርሓን

ኣስትምህሮ ምስ ተዛዘመ ንሰለስተ ኣዋርሕ ዝኸይድ ኣብ ተገዳስነትኩምን ሽቶኹምን ዝተመርኰሰ ልምምድ/praktik ንህብ። ድሕሪ ምዝዛም ልምምድኩም ምስክር ወረቐት ከምኡ እውን መወከሲ ትረኽቡ።

ምዝገባ፣ ሓደ ሰሙን ቅድሚ ምጅማር ኣስትምህሮ በዚ ዝስዕብ ናይ ኢመይል ኣድራሻና ይካየድ

sprakstod@edu.stockholm.se

ወይ ከኣ ብቑጽሪ ስልኪ

ወይ ድማ ብቁጽሪ ተሌፎን ደውሉልና፤ 08-508 870 41 ወይ 08-508 357 98